مدونات البناتيت

 

هاااي يا قمر ازيك؟عاملين ايه يا بناتيت؟واحشيني بووس كتير واللهي

تمام الحمد لله,واحشاني يابنتي وايه الطقم ده؟تعالي مواااه مواااه

دي اقل حاجة عندي يابنتي,انا بس قرفانة من امبارح أصل ماما عمالة تقولي اوعي
يابنتي تخرجي من الكلية من غير عريس,,,يعني انا هخطفهم يعني؟

هيهيهي والله ماما برده بتقولي كده,,,بس انتي عندك مز يا عم ومحدش ادك يعني في
السليم

بلاش حسد يابنتي بس بجد والله ف البيت بيضخطوا عليا جامد اوي اوي,,,انا تعبانة

قصدك بيضغطوا عليكي؟

انا بتكلم في ايه وانتي بتتكلمي في ايه؟انا عمالة اذاكر في العضوية,,,الستيريو ومش فاهمة حاجة

الستيريو؟اللي لسه هناخده النهاردة؟

ايوة يابنتي ,,,منا بحفظه قبل ما اروح عشان افهمه بعدين وعشان مودي ممكن يخرج معايا النهاردة فابقي مخلصة اللي عليا

آه فاهمة,,ربنا معاكي يا قمر,,,انما البنت شوشو قاعدة لوحدها ف ركن كده ليه زي
الولاد؟حاجة تقرف وبنت معقدة كده

عندك حق ,مش عارفة الواد بيبو طايقها ازاي,,,بنت تقرف

والظاهر انها سمعتهم وهم بيتكلموا عنها

أظن يا تافهة يا هايفة منك ليها مش من حقك تتكلمي عني ,,انتي فاهمة؟ وبعدين روحوا اغسلوا وشكوا الاول وبعدين تعالوا اتكلموا ,,جتكو نيلة علي رأي المثل,الحلوة حلوة ولو قامت من نوم...والوحشة وحشة ولو غسلت وشها كل يوم

هو ايه ده يابنتي؟انتي نسيتي نفسك ولا ايه؟انا وسنسن حبيبتي نتكلم زي محنا عاوزين ومالكيش دعوة,,,طظ فيكي

كده؟طيب والله لاطلع اوفلاين,,هه,,وهمسحكم من عندي علي طول

بالسلامة يا حبيبتي

 

بعد ما مشيت,,,وطلع ان الموقف كله علي مدونة من مدونات الموزز الفكسانة في الغالب

سنسن,,هو مين اللي قالها ان احنا بنتكلم عليها؟؟؟

مش عارفة والله

سنسن,,انا لسه مكلمة آنجل وقالتلي بالحرف اللي حصل,,,انتي قولتيلها؟

لا والله ده انا قولت للملاك الناعس وبس والله عشان صاحبتي اوي اوي

ماااشي,,,بصي...انا بيبو علي فكرة.ماشوفكيش بتقربي مني تاني يا بت انتي,,,آل

شوشو مقرفة آل

  

Bebo went offline !!!

To Be Continued . . .

 

Muhammad Mag-D Bishr