ده انت اللي بابا

ماتجيبي بوسة*
عيب يا حنفي**

ودي وشك الناحية التانية يا ولد ماتتفرجش ع المناظر دي...وقوم ذاكر بقي هه؟

هذا وقد أكد السفير ال,,,,***

يووووه يا ماما,,,خلاص انا قايم

هيهيييه,,,كفاية يا حنفي**

بتقولي حاجة يا ماما؟؟؟
بس يا ولد واقفل علي نفسك وخليك في حالك

**العـــب يا حنفي
------
أنا اكتشفت ان احنا حرامية يا جماعة وعاوز اوصل معاكم لحل عشان نبطل الخصلة السيئة دي عشان بجد شكلنا مش تمام ولا قدام نفسنا ولا قدام اهالينا ولا قدام اي حد محترم لس فاضل في البلد دي

زي مابندعي ربنا كتييير اوي ايام الامتحانات ونحافظ ايامها وبس ع الصلاة...وزي مابنهتم بالدين والصلاة والقرآن في رمضان وبس
وتيجي في اي يوم تاني في السنة وبدون مبالغة...انت عارف احنا بنبقي عاملين ازاي

كده احنا حرامية مع ربنا !!!

لما تيجي قدام اهلك شكلك محترم,,,ومن وراهم بتعمل اللللللي

حرامية مع اهالينا

ويمكن بعضهم حرامية معانا

وهكذا,,,حرامية في السياسة وفي العلاقات الاجتماعية وفي كل حاجة

واللي بتسرق قلب حد حبها,,,واللي بيسرق قلب واحدة بجرحها

والحرامية اللي بيسرقوا براءة الأطفال...وخلوا الطفل دلوقتي حدود عمره من ست سنين لست سنين ودقيقة,,,لأن بعدها بيبقي عارف اللي راجل أدي يعرفه...وكذلك البنات,بس يمكن قبل ست سنين بشوية كمان؟!
------

حتي في الثوابت بقينا نسرق,,,ولما تسرق حاجة تعرف انك هتتسرق علي طول

لو بتروح طنطا هتلاقي ع الطريق "حاجة" اسمها برج الغربية...البرج الوحيد في العالم اللي بيتكون من دور واحد !!!
ده حتي نص الدور ده سلم كبيير مش مبين انه مبني من الاساس

------
اللي بيضيع "بيسرق" وقته...ضياع الوقت بيضيعه
ومين فينا مش بيضيع وقت؟؟

اللي بيكدب"بيسرق"علي الناس اللي بيثقوا فيه...كذبه بيضيعه
ومين فينا مش بيكدب؟؟

إحنا حرامية اه,,,بس غير أي حرامية

عشان مش بنحس بالذنب "أو مش بنحس بالذنب أوي" لما بنسرق
وعشان مش عارفين ان آخرة السرقة دي ان احنا هنضيع وهنتنسي زينا زي اي حد سرق في يوم ومات علي السرقة ومحدش يعرف عنه حاجة
-----

انا كمان سرقت كتير...بس بفتكر من وقت للتاني اني بسرق وبحاول ارجع اللي سرقته,,,بس مين يقدر يرجع وقت ضاع؟

لو سرقت حاجة وتقدر ترجعها,,,ياريت ترجعها

محمد مجدي بشر

معقد اه بس مبسوط بكده